Shymkent qalasynda balabaqsha aqysy qymbattaıdy

ASTANA. QazAqparat – Shymkent qalasynda ata-analar úshin memlekettik jáne jeke balabaqshalarda qyzmet aqysy qymbattaıdy, dep habarlaıdy QazAqparat tilshisi.

Ashyq NQA portalynda jarııalanǵan Shymkent qalasy ákimdiginiń qaýlysyna sáıkes, bıyl jáne keler jylǵa balabaqsha aqysy myna mólsherde bektilmek:

- memlekettik balabaqshalar – aı saıyn 18 331 teńge (2024 jyly – 18 392 teńge);

- jeke balabaqshalar – aı saıyn 51 032 teńge (2024 jyly – 54 182 teńge);

- mektepke deıingi sanatorlyq uıymdar – aı saıyn 67 817 teńge (2024 jyly – 68 518 teńge);

- balalardyń tolyq emes kúndik toptary úshin – aı saıyn 19 909 teńge (2024 jyly – 20 285 teńge).

Qaýly-jobasy 22 qyrkúıekke deıin kópshilik talqylaýda bolady.

Qosa ketsek, buǵan deıin elordadaǵy memlekettik balabaqshalarda ata-ana tólemaqysy qymbattaıtynyn habarlap edik. Astana ákimdiginiń túsindirmesine saı, qazir taýarlar men qyzmetterge baǵa ósti. Tıisinshe, memleket ata-analardyń tólemaqysy shyǵyndaryn ótemeıdi.