Shymkent qalasyna erteńnen bastap kirip shyǵýǵa tyıym salynady
«Koronovırýstyń tez taralýy turǵyndardyń densaýlyǵyna qater tóndirýde. Shymkent qalasynda indet juqtyrǵan 2 adam tirkelip, bir eldi meken karantınge jabyldy. Respýblıkanyń ózge aımaqtaryna Shymkent arqyly ótetin tranzıtti jolaýshylar kóp. Olardyń sany táýligine shamamen 200 myń adam. Bul jaǵdaı indettiń taralý qaýpin arttyryp otyr. Sol sebepti Shymkent qalasynda 31 naýryz kúni saǵat 21:00-den bastap qosymsha shekteý sharalary engiziledi. Birinshiden, qalaǵa kiretin barlyq joldar jabylady. Avtokólikterdiń qalaǵa kirýi men shyǵýyna tyıym salynady. Tek tranzıtti júk kólikteri men tirshilikti qamtamasyz etetin arnaıy avtokólikterge ruqsat beriledi. Ekinshiden, adamdar jaqyn qarym-qatynasta bolǵan kezde vırýstyń tez taralatyny dáleldengen. Sol sebepten qala aýmaǵynda betperde taǵý rejimin engizýge májbúr bolyp otyrmyz. Barlyq azamattar medıtsınalyq betperde kııýge mindetti»,- dedi Murat Áıtenov.