Shymkent qalasy turǵyndarynyń qoqysqa qaryzy 314 mln teńgege jetti
Qala tazalyǵyna eń kóp bereshegi bar aýdandardyń kóshin Qarataýlyqtar bastap otyr. Munda jalpy turǵyndar 101 mln. teńge tóleýi qajet. Al, Eńbekshi aýdany turǵyndarynyń 90,5 mıllıon teńge bereshekteri bar bolsa, Abaı aýdany turǵyndarynyń qaryzy 49,5 mıllıon teńgege jetken. Ál-Farabı aýdany turǵyndary 34 mıllıon, Turan aýdany turǵyndarynyń qoqys tazalaý qyzmetine qaryzy 39,4 mıllıon teńge bolǵan.
«Qoldanystaǵy zańnamaǵa sáıkes, qoǵamdyq oryndardy tazalaý, kútip ustaý, kógaldandyrý men abattandyrý jumystary bıýdjet qarajaty esebinen júzege asyrylady, al, turǵyndar turmystyq qatty qaldyqtardy shyǵarý qyzmetine tóleýge mindettelgen. Alaıda, búginde kóptegen turǵyndar tipti turmystyq qatty qaldyqtardy tasymaldaýshy kompanııalarmen kelisimshart jasamaǵan. Soǵan qaramastan bul azamattar da turmystyq qaldyqtaryn arnaıy oryndar men qoqys konteınerlerine kúndelikti tastap keledi. Qyzmet aqysyn ýaqtyly tólemeýi men merdiger kompanııalarmen kelisimshart jasamaı, tólemaqydan jaltarýy qalanyń tazalyǵyn saqtaýǵa keri áserin tıgizetini sózsiz» - delingen Shymkent qalasy ákiminiń baspasóz qyzmeti taratqan aqparatta.