Shymkent qalasy «Bıznes júrgizýge qolaıly jaǵdaı jasaǵan úzdik óńir» atandy
«Úzdik ındýstrııalyq joba» nomınatsııasy boıynsha Pavlodar oblysynyń «PromMashKomplekt kásiporny jeńimpaz atandy.
«Úzdik ınnovatsııalyq joba» nomınatsııasy boıynsha Almaty oblysynyń «Antıgen» ǵylymı-óndiristik kásiporny jeńimpaz boldy.
«Paryz» syılyǵynyń shaǵyn jáne orta bıznes ıeleri arasyndaǵy «Gran prı» júldesi Aqmola oblysynyń «Shýskaıa-21» jaýapkershiligi shekteýli seriktestigine berildi.
Osy syılyqtyń iri bıznes ıeleri arasyndaǵy «Gran prı» júldesine Atyraý oblysynyń «North Caspian Operating Company» kásiporny ıe boldy.
«Bıznes júrgizýge qolaıly jaǵdaı jasaǵan úzdik óńir» sanaty boıynsha arnaıy syılyq Shymkent qalasynyń ákimdigine tapsyryldy.
Al «Úzdik aýdan» sanaty boıynsha arnaıy syılyqqa Sátbaev qalasynyń ákimdigi ıe boldy.
Aıta keteıik, osynaý saltanatty shara aıasynda úzdik dep tanylǵandarǵa «Qazaqstannyń úzdik taýary», «Qazaqstan Project Management Awards -2022», «TMD boıynsha sapa salasyndaǵy 2021 jyldyń syılyǵy» sııaqty kásipkerlik baǵyttaǵy marapattar da tabystaldy.
Sondaı-aq, «ArýAna», «Bıznes Kemeldilik», «Іsker», «Uly dala eli» syılyqtarynyń jeńimpazdary da marapattaldy.
Bıyl «Altyn sapa» syılyǵyna 281 úmitker ótinim tapsyrǵan. Sarapshylar sonyń ishinen iri, orta jáne shaǵyn bıznes boıynsha 14 bıznes nysanyn 4 atalym negizinde iriktep aldy.
Aıta keteıik, Memleket basshysy shaǵyn kásipkerlik sýbektilerin tekserýge maratorııdi taǵy bir jylǵa uzartty.
