Shymkent qalasy bilim bóliminiń laýazymdy qyzmetkeri «para aldy» degen kúdikke ilindi

ShYMKENT. QazAqparat - Shymkent qalasy bilim bóliminiń laýazymdy qyzmetkeri «para aldy» degen kúdikke ilindi. Bul týraly Shymkent qalasynyń prokýratýrasy málimdedi, dep habarlaıdy QazAqparat tilshisi.

Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti QK-niń 366-baby 3-bóligimen sotqa deıingi tergep-tekserýdi bastady. Qalalyq bilim bóliminiń bas mamany «Sh.A.» balabaqsha basshylarynan balabaqshalardy tekserý boıynsha oń sheshim qabyldaý úshin birneshe ret 800 myń teńge kóleminde para alǵandyǵy anyqtalǵan.

«Osy qylmysty jasady degen kúdikpen qalalyq bilim bóliminiń bas mamany «Sh.A.» ustalyp, óz jaýabynda qylmys jasaǵanyn tolyq moıyndady. «Sh.A.» qatysty «úıqamaq» túrindegi bultartpaý sharasy tańdaldy. Qazirgi ýaqytta is boıynsha sotqa deıingi tergeý júrgizilýde. Kúdiktiniń kinálilik dárejesi týraly túpkilikti sheshimdi sot shyǵarady» delingen aqparatta.