Shymkent qalasy aýmaǵynda 10 shaǵynaýdan oqshaýlanyp, karantınge jabyldy

ShYMKENT. QazAqparat – Shymkent qalasy aýmaǵynda 10 shaǵyn aýdan oqshaýlanyp, karantınge jabyldy. Bul týraly qalalyq tótenshe jaǵdaı jónindegi shtaby málimet taratty, dep habarlaıdy QazAqparat tilshisi.

Tótenshe jaǵdaı jónindegi shtabynyń málimetinshe, karantın jarııalanǵan aýmaqtarda jalpy 321 qyzmetker jumyldyrylǵan. Olardyń qatarynda 115 polıtsııa qyzmetkeri, 14 qarýly kúshter jáne 192 ulttyq ulan sarbazdary 3 aýysymda táýlik boıy qyzmet atqarýda.

«Karantınge jabylǵan aýmaqtardyń qatarynda juqpaly aýrýlar emhanasy men «Atameken», «Meıirim» ońaltý ortalyǵy, Ekinshi qalalyq emhana (Medıkýs), Jańatalap m.a., «Samal-1» shaǵynaýdany, Maqtaly kósh №120A,Tórekulov №204, 8-shaǵynaýdany jáne Jeltoqsan kóshesi 3 A úı bar.

Eske sala ketsek, búginde qalada jalpy koronavırýs juqtyrǵan 14 adam tirkelgen. Naýqastardyń 10-y indet juqtyrǵandarmen baılanysta bolǵan. 12 naýqastyń jaǵdaıyn dárigerler turaqty dep baǵalasa, 51 jastaǵy patsıenttiń jaǵdaıy aýyr ári ortasha dınamıkamen dep baǵalaýda. Tirkelgen barlyq jaǵdaılar boıynsha baılanysta bolǵan 327 adamnyń 274-i statsıonarlyq karantınge alynsa, 53 adam úı jaǵdaıynda baqylaýǵa aylnǵan. Karantındik statsıonarlardaǵylardyń densaýlyq jaǵdaıy da qanaǵattanarlyq.