Shymkent qalasy ákiminiń tórt orynbasary naýqastanyp qaldy

ShYMKENT. QazAqparat – Shymkent qalasynyń ákimi Murat Áıtenovtiń tórt orynbasary naýqastanyp qaldy. Qala ákimdiginiń baspasóz qyzmeti olardyń ekeýi pnevmonııaǵa shaldyqqanyn rastady, dep habarlaıdy QazAqparat tilshisi.

Málim etilgendeı, pnevmonııaǵa shaldyqqan qala ákiminiń birinshi orynbasary Erbol Sadyr men orynbasar Almasbek Mamytbekov aýrýhanada emdelip jatyr. Taǵy eki orynbasary Maqsut Isaqov pen Nursadyq Ergeshbek te sýyqtap qalǵany belgili boldy.

«Qazir qala ákiminiń bir orynbasary Baýyrjan Mamytalıev – qyzmet babynda. Qala ákimi Murat Áıtenovtiń ózi birer kún buryn ǵana qalypty jumys tártibine oraldy. Ol buǵan deıin oqshaýlanyp, qashyqtan jumys istegen bolatyn», - delingen habarlamada.

Aıta keteıik, elimizdiń burynǵy Densaýlyq saqtaý mınıstri Eljan Birtanovtan koronavırýs anyqtalǵan soń, Shymkent qalasynyń ákimi de medıtsınalyq tekserýden ótken. M.Áıtenovten qaýipti indettiń belgileri anyqtalmady.