Shymkent qalasy ákiminiń balalarǵa arnalǵan jańa jyldyq shyrshasy ótti
Arnaıy uıymdastyrylǵan merekelik sharaǵa jetim jáne ata-anasynyń qamqorlyǵynsyz qalǵan, turmysy tómen, áleýmettik jaǵynan az qamtylǵan, kópbalaly otbasy balalary, múmkindigi shekteýli búldirshinder jáne bilim, óner, sportta jetistikterge qol jetkizgen daryndy 250 oqýshy qatysty, dep habarlaıdy QazAqparat tilshisi.
Balalardy jańa jyldyq merekemen qala ákimi Erlan Aıtahanov arnaıy quttyqtap, jyly lebizin bildirdi.
«Jańa jyl jańa ǵajaıypqa toly mereke. Qazirgi tańda bizdiń elimizde bilim alýǵa, eńbek etýge jáne demalýǵa barlyq jaǵdaı jasalyp jatyr. Sondyqtan, ózderińizge senimdi bolyńyzdar. Otandy súıińizder. Qashanda jaqsylyq jasap, meıirimdi bolýǵa tyrysyńyzdar. Sizderdiń búgingi jasaǵan ıgi isterińiz - baqytty bolashaqtyń irgetasy. Elimizdiń senimin aqtaıtyn úlken azamat bolyńyzdar. Jańa jyl sizderge kóp qýanysh ákelsin!» - dedi Erlan Aıtahanov.
Sonymen qatar qalalyq máslıhat hatshysy Ǵanı Tashqaraev, «Nur Otan» partııasy qalalyq fılıalynyń tóraǵasy Bahadyr Narymbetov, qalalyq ardagerler keńesiniń tóraǵasy Isamýddın Rysbaevtar da búldirshinderdi quttyqtaı keldi.
Shyrshaǵa qatysqan shymkenttik balǵyndar ertegiler álemine serýendep, jańa jyldyq qoıylymnyń erekshe keıipkerlerimen júzdesti. Ár balaǵa 100 myń teńge kóleminde qarjylaı sertıfıkat tabystaldy. Shara sońynda baldyrǵandarǵa merekelik táttiler úlestirildi. Balalar qala basshysymen estelikke sýretke tústi.
