Shymkent qalalyq jedel járdem stantsııasyna jańa avtokólikter berildi
Qańtar aıynyń basynda bolǵan qaıǵyly oqıǵalar kezinde qalalyq jedel járdem qyzmetiniń mamandary kúsheıtilgen rejımde jumys istedi. Osy oqys oqıǵalar kezinde jedel járdem kólikteri zaqymdalǵan bolatyn. Osyǵan baılanysty «Astana Motors» kompanııasy atynan ortalyqqa jańa avtokólikter berildi. Kólikter sońǵy úlgidegi ókpeni jasandy tynys alý apparatymen, elektrokardıograf, aspırator jáne taǵy da basqa asa qajetti qural-jabdyqtarmen jabdyqtalǵan.
103 stantsııasy tolyǵymen tsıfrly júıege qosylǵan. Jedel járdem qońyraýlarynyń barlyǵy biriktirilgen avtomatty júıe arqyly qabyldanady. Ár shalynǵan qońyraý tikeleı júıege qosylady. Sol arqyly shaqyrtý túsken jerge eń jaqyn brıgada jiberilip, olarǵa naýqas jaıly tolyq aqparat beriledi. Munan bólek, shaqyrtýǵa baratyn kólikterde GPS-navıgatory ornatylǵan.
