Shymkent qalalyq jaıly ortany damytý basqarmasynyń basshysy kenetten qyzmetinen ketti
Bul aqparatty ákimdiktegiler rastady. Kenetten qyzmetinen ketý sebebi belgisiz. Eks-sheneýniktiń áriptesteri Joldasov keshe ǵana jumys ornynda bolǵanyn, qyzmetinen ketetini týraly eshteńe demegenin aıtty.
«Óte ókinishti. Ol talapshyl, óz isin biletin jetekshi bolatyn. Keshe ǵana Dendrosaıabaqqa aınalmaǵa keldi, eshteńe degen joq. Búgin biz ózimiz onyń ketkeni týraly úshinshi adamdardan estidik. Ol óte jaqsy kommýnaldyq qyzmetker, endi ǵana bárin bir júıege keltirip edi. Kim jetekshi bolatyny ázirge belgisiz», - deıdi Dendrosaıabaq dırektory Gúlnar Saparymbet.
Erjan Joldasov 15 jylǵa jýyq kólik salasynda qyzmet etkenin aıta keteıik. Qyzylorda oblystyq, keıin Shymkent qalalyq kóliktik baqylaý ınspektsııasyn basqardy.
2020 jyldyń qyrkúıeginde ákim Murat Áıtenovtyń buıryǵymen Joldasov jolaýshylar kóligi jáne avtomobıl joldary basqarmasyn basqardy.
2022 jyldyń qazanynda ony qalalyq jaıly ortany damytý basqarmasyna dál osyndaı qyzmetke aýystyrdy, al onyń kólik vedomstvosyndaǵy ornyna Muhtar Qoqanbaev kelip, taǵaıyndalǵannan soń birneshe aıdan keıin paramen ustaldy.
«Erjan Joldasovtyń aıaq asty qyzmetinen ketýine qatysty suraq kóp. Ákimdik ázirge oqıǵaǵa pikir aıtpady»,-delingen habarlamada.