Shymkent qalalyq sotynda «Sot júıesi men zańnamany reformalaý negizderin túsindirý» taqyrybynda kezdesý ótti
Kezdesýde Memleket basshysy Q.Toqaevtyń Qazaqstan halqyna arnaǵan Joldaýynda kóterilgen sot sheshimderiniń sapasyn arttyrý máseleleri sóz boldy,
Qalalyq sottyń qylmystyq ister jónindegi sot alqasynyń tóraǵasy Erbol Janǵazın óz sózinde sot aktilerine muqıat taldaý jasap, biryńǵaı sot tájirıbesin ornyqtyrý jáne sot júıesin men zańnamany reformalaý baǵyttaryn baıandap ótti.
«Kúnine respýblıkalyq sottarmen shamamen 16 500 sot aktisi shyǵarylady. Olardyń 95 % joǵary satyǵa shaǵymdanbaıdy. Sottyń bedelin ǵana emes, sot aktileriniń sapasyn da kóterý mańyzdy. Osy maqsatta QR Joǵarǵy Sotynyń tóraǵasy Jaqyp Asanov árbir sot aktisin egjeı-tegjeıli qarapaıym tilde túsindirýdi tapsyrǵan bolatyn. Budan bólek, elimizde sýdıalyq laýazymǵa kandıdattardy irikteýdi qatańdatý nátıjesinde qazir árbir 25 kandıdattyń biri ǵana sýdıalyqqa úmitker bolýda (buryn, árbir tórtinshi). Sot júıesinde júrgizilip jatqan barlyq reformalar zańnyń ústemdigin qamtamasyz etýge jáne sot tóreligin júzege asyrý sapasyn arttyrýǵa baǵyttalǵan» - dedi alqa tóraǵasy.
Al, qalalyq sottyń BAQ-pen ózara is-qımyl jónindegi úılestirýshi sýdıasy Vıtalıı Mıroshnıkov Memleket basshysynyń sot tóreliginiń sapasyn arttyrý jóninde júktegen tapsyrmalaryn oryndaý boıynsha birqatar is-sharalar júzege asyrylǵanyn jetkizdi.
«Máselen, 2018 jylmen salystyrǵanda front-keńseler respýblıkamyzdyń tek 52 sotta bolǵan, al 2019 jyly oladyń sany 146-ǵa jetti. Sonyń ishinde bıyl Ál-Farabı aýdandyq jáne qalalyq sotynda front-ofıster ashyldy. Jól-kólik oqıǵalaryna baılanysty ákimshilik ister boıynsha túngi sottar azamattarǵa saqtandyrý tólemin 13 kúnge deıin qysqartty. 2018-2019 jyldar arasynda 15 zań jobasy ázirlendi.Olardyń 6 qoldanysqa engizildi, al 6 zań Parlamentte qaralyp jatyr»,- dedi Vıtalıı Mıroshnıkov.
