Shymkent qalalyq din isteri basqarmasynyń basshysy taǵaıyndaldy

ShYMKENT. QazAqparat - Shymkent qalasy ákiminiń ókimimen Tuıaqbaev Áljan Álisheruly qalalyq Din isteri basqarmasynyń basshysy bolyp taǵaıyndaldy, dep habarlaıdy QazAqparat Shymkent qalasy ákiminiń baspasóz qyzmetine silteme jasap.

Áljan Álisheruly 1971 jyly týǵan. Mamandyǵy - zańger-oqytýshy.

Ol 1992 jyldan 2017 jylǵa deıin QR Ulttyq qaýipsizdik komıtetinde úzdiksiz áskerı qyzmette bolǵan. Keıinnen Astana qalasyndaǵy «ITS Security Group» JShS-niń dırektory bolyp jumys istegen.

2019 jyldan búgingi kúnge deıin Shymkent qalasy ákiminiń apparaty terrorızmge qarsy kúres jónindegi komıssııanyń basshysy laýazymynda qyzmet atqarǵan.