Shymkent qalalyq bilim basqarmasynyń laýazymdy tulǵasy paramen ustaldy

ShYMKENT. QazAqparat - Shymkent qalalyq bilim basqarmasynyń laýazymdy tulǵasy paramen ustaldy.

Bul týraly óziniń Facebook-tegi paraqshasynda Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń basshysy Dáýren Erǵarın málimdedi, dep habarlaıdy QazAqparat tilshisi.

Shymkent qalasynyń Sybaılas jemqorlyqpen kúres qyzmeti jekemenshik mektepke deıingi mekemelerge qatysty tekserýler júrgizbegeni jáne olardyń kásipkerlik qyzmetine jalpy qamqorlyǵy úshin kásipkerlerden birneshe ret para alý faktileri boıynsha qalalyq bilim basqarmasynyń taǵy bir laýazymdy tulǵasy anyqtaldy.

«Beıindi basqarmanyń jetekshi mamany kinásin moıyndaǵan. Qazirgi kezde tergeý jalǵasyp jatyr. Tergeý múddesine oraı ózge aqparat jarııalanbaıdy» - dep jazdy Dáýren Erǵarın áleýmettik jelidegi paraqshasynda.