Shymkent haıýanattar baǵynda arystan kúshiktedi
ShYMKENT. QazAqparat - Shymkent haıýanattar baǵynda arystan kúshiktedi. «Elza» atty urǵashy arystan ómirge eki abdandy ákeldi, dep habarlaıdy QazAqparat HAA tilshisi.
Ázirge baq qyzmetkerleri olardy jyly jerde, anasymen birge ustap otyr. Túz taǵysy adam ataýlydan tek zoobaqtyń bir qyzmetkerin ǵana ózine jaqyndatyp, baǵynady eken. Jyrtqyshtardyń qazirgi salmaqtary 3,5-4 kelini quraıdy. Sala mamandarynyń sózinshe bul qalypty salmaq. Jaǵdaılary da qalypty. Týǵanyna tórt kún bolsa da, arystannyń kúshigi óziniń ań patshasy ekenin kórsetkisi keledi.
Aıta keteıik, arystandar 4 jastan bastap kúshikteı beredi eken. Al, 10 jastaǵy Elzanyń bul ekinshi ret kúshikteýi. Buǵan deıin týǵan abdandary jergilikti tsırkke berilgen.
«Kishkentaı jyrtqyshtarǵa qyzyǵýshylyq tanytyp jatqandar kóp. Biraq biz ázirge janýarlardyń qaıda bolatyny jóninde naqty sheshim qabyldamadyq. Sondaı-aq, esimder de bergen joqpyz. Ýaqyt óte kele attaryn qoıatyn bolamyz»,-deıdi zoobaq dırektorynyń orynbasary Zýlfııa Ǵanıeva.
