Shymkent dúkenderinde 10 «áleýmettik burysh» ashylady

NUR-SULTAN. QazAqparat - Shymkentte áleýmettik mańyzy bar azyq-túlik baǵasyn turaqty ustap turý úshin 10 dúkennen qosymsha buryshtar ashylady., dep habarlaıdy QazAqparat.

Bul týraly Shymkent qalasynyń ákimi Murat Áıtenov ortalyq kommýnıkatsııalar qyzmetinde málim etti.

«Biz naryqtyq ekonomıkadaǵy baǵany baqylaýda ustaý úshin turaqtandyrý qoryna 4,7 mlrd teńge bóldik. Sol aqshaǵa áleýmettik mańyzy bar azyq-túlik alyp, tıisti áleýmettik dúkenderge qoljetimdi baǵamen usynyp otyrmyz. Bizdegi «GraMad», «Magným», «Fırkan» sııaqty iri jelilik dúkenderdiń bárinde áleýmettik azyq-túlik buryshtary bar. Sol jerden alýǵa bolady», - deıdi Murat Áıtenov.

Ákimniń aıtýynsha, Shymkent qalasy azyq-túlik baǵasynyń ósý qarqyny boıynsha 11 orynda.

«Bizdegi ár aýdanda bıyl taǵy 10 dúkennen áleýmettik burysh ashyp jatyrmyz. Ekeýin ashtyq, qalǵanyn jyldyń aıaǵyna deıin ashamyz. Memleket basshysynyń «Egisten-sórege» deıtin tapsyrmasy boıynsha tórt aýdanda aptasyna eki ret jármeńke uıymdastyryp otyrmyz. Ózge qalalarmen salystyrǵanda, azyq-túlik baǵasynyń kórsetkishi boıynsha 11 orynda turmyz. Baǵany ósimi sonshalyqty úlken emes», - dedi shahar basshysy.