Shymkent dendrosaıabaǵy aýmaǵynyń qysqaratyny týraly aqparat jalǵan - ákimdik

ShYMKENT. QazAqparat- Áleýmettik jelide Shymkenttegi dendrosaıabaqtyń jeri elıtaly kottedj qurylysy úshin jeke kásipkerlerge satylyp jatqandyǵy týraly aqparat taraýda. Jergilikti ákimdik atalǵan aqparattyń shyndyqqa janaspaıtynyn aıtyp, málimdeme jasady, dep habarlaıdy QazAqparat tilshisi.

«Dendrosaıabaq aýmaǵynan jeke tulǵalarǵa qurylys júrgizý úshin bir tutam da jer berilgen joq. Buǵan tıisti memlekettik qurylymdarǵa júgine otyryp kóz jetkizýge ábden bolady», - delingen Shymkent qalalyq ishki saıasat jáne jastar isteri jónindegi basqarmasy taratqan habarlamada.

A.Asqarov atyndaǵy dendrosaıabaq dırektorynyń orynbasary N.Sahanovtyń málimeti boıynsha, dendrosaıabaq búginde memlekettik kommýnaldyq kásiporyn bolyp esepteledi jáne qalalyq jaıly ortany qalyptastyrý basqarmasynyń vedomstvalyq baǵynysynda. Onyń aýmaǵy 117,0400 gektardy quraıdy.

Bul 2019 jyly da, 2020 jyly da, 2021 jyly da 117 gektar bolǵan. 2022 jyly da sol qalpynda ózgerissiz qalyp otyr.