Shymkent dárigerleri ınsýlt alǵan qarııaǵa tiliksiz ota jasady

ShYMKENT. QazAqparat – Shymkentte dárigerler ınsýlt alǵan qart kisige tiliksiz ota jasady. Es-tússiz halde aýrýhanaǵa jetkizilgen 87 jastaǵy qarııanyń uıqy arterııasy mazalaǵan, dep habarlaıdy QazAqparat tilshisi.

Qalalyq densaýlyq saqtaý basqarmasy baspasóz qyzmetiniń málimetinshe, egde jastaǵy naýqas qalalyq №1 klınıkalyq aýrýhanaǵa jedel járdemmen jetkizilgen. Dárigerler ony tolyq tekserip, shuǵyl túrde ota jasaýǵa sheshim qabyldaǵan. Óıtkeni qarııada oń jaq ishki uıqy arterııasy saǵasynyń 90%-na deıin geterogendi, sımptomdy tarylýy anyqtalǵan.

Patsıenttiń klınıkasyn eskergen dárigerler jabyq otany bas mıyna qan jetkizetin mańyzdy tamyrǵa jasaǵan. Bul operatsııa kezinde hırýrgtar apparattyń kómegimen moıyn tamyryna pyshaq tıgizbeı, mıkroqurylǵy arqyly hırýrgııalyq em júrgizgen. Operatsııadan keıingi kezeńde naýqas esin jınap, jaǵdaıy jaqsarǵan.

Mamandardyń aıtýynsha, qazirgi ýaqytta zeınetkerdiń ómirine keler qaýip joq. Ol dárigerlerdiń baqylaýyna alynyp, qajetti emin jalǵastyrýda.