Shymkent dámhanasyndaǵy tóbelesten 2 adam pyshaq jaraqatyn aldy

ShYMKENT. QazAqparat – Shymkent dámhanalarynyń birinde tóbeles bolyp, eki adam pyshaq jaraqatyn alǵan, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, oqıǵa 12 qańtar kúni bolǵan. Patrýldyq polıtsııa qyzmetkerleri dámhanada tóbeleske qatysýshylardyń birin ustaǵan. Ol qoǵamdyq orynda shyqqan janjal kezinde eki adamǵa pyshaq jaraqatyn salǵan dep kúdiktelýde.

«Kúdikti ýaqytsha tergeý abaqtysyna qamaýǵa alyndy. Osy derek boıynsha QR Qylmystyq Kodeksiniń 24-baby «Qylmysqa daıyndalý jáne qylmysqa oqtalý» jáne 99-baby «Adam óltirýge oqtalý» boıynsha tergeý amaldary júrgizilýde. Sot-medıtsınalyq saraptamalar taǵaıyndaldy.