Shymkent tsırkiniń ártisi Túrkııada ótip jatqan «Daryndar shoýynda» baq synaýda
ShYMKENT. QazAqparat - Shymkent tsırkiniń ártisi Zoıa Gladkova Túrkııada ótip jatqan «Daryndar shoýynda» baǵyn synaýda.
Oblystyq mádenıet basqarmasy baspasóz qyzmetiniń málimetinshe, talantty tsırk ártisi bes eldiń úzdikteri óner kórsetip jatqan dodada jaqsy nátıjege qol jetkizgen, dep habarlaıdy QazAqparat tilshisi.
Áýede torly arqanmen kúrdeli qımyldardy jasap, ádil-qazylardyń kóńilinen shyqqan Zoıa Gladkova halyqaralyq baıqaýdyń kelesi kezeńine joldama aldy. Sóıtip, jeńis tuǵyryna bir taban jaqyndaı tústi. Sońǵy bes jyldan beri ónerdiń osy túrin meńgergen 20 jastaǵy boıjetken jartylaı fınalda «áýe sheńberi» qoıylymyn kórsetetinin aıtady.
«Baıqaýǵa 40- tan asa tsırk óneriniń sheberleri qatysýda. Árbir qatysýshy túrli janrda óner kórsetip jatyr. Degenmen aqtyq synǵa 15 qatysýshy joldama aldy. Meniń de jeńisten úmitim zor. Qazir daıyndyǵymdy pysyqtap jatyrmyn»,-deıdi Zoıa Gladkova.
Baıqaýdyń endigi kezeńi qańtar aıynyń 25 juldyzynda bastalady dep josparlanǵan.
Aıta keteıik, tsırk ártisi buǵan deıin birneshe halyqaralyq baıqaýlarda óner kórsetip, júldeli oryndardy ıelengen. Jýyrda ol Qytaıǵa da baryp, ondaǵy áriptesterimen tájirıbe almasyp kelgen bolatyn.
