Shymkent chellendjer týrnırinde qazaqstandyq tennısshilerdiń qarsylastary anyqtaldy
NUR-SULTAN. QazAqparat – Shymkenttegi tennıs ortalyǵynyń ortalyq kortynda Beeline Challenger 80 týrnıriniń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, bes qazaqstandyq sportshy irikteý saıystarynda baq synaıdy.
Dostanbek Tashbolatov germanııalyq Sebastıan Fanshloý, Tımýr Máýlenov rýmynılyq Bogdan Apostol, Nıkıta Sıdorov reseılik Alıbek Kachmazovpen kúsh synasady. Aslan Temirlan ıtalııalyq Edýardo Lovadjo, Bekjan Erejep úndistandyq Mýkýnd Sasıkýmarmen kortqa shyǵady.
Negizgi dodada qazaqstandyqtardan birinshi raketka bolyp tirkelgen Denıs Evseev irikteý saıysy jeńimpazdarynyń birimen kezdesedi. Jarysqa arnaıy shaqyrtý alǵan Grıgorıı Lomakın rýmynııalyq Nıkolas Ionelızge, Beıbit Jýkaev norvegııalyq Vıktor Dýrasovıchke qarsy turady.
Juptyq synda D. Tashbolatov pen T. Máýlenov alǵashqy aınalymda D. Evseev – reseılik Aleksandr Shevchenkomen oınaıdy. B. Jýkaev pen A. Kachmazov jarystyń 2-raketkalary - úndistandyq Ardjýn Kadhe - ýkraınalyq Vladıslav Manafovpen, G. Lomakın men reseılik ıAn Bondarevskıı - ózbekstandyq Denıs Istomınmen sheberlik baıqasady.
Atalmysh týrnır 8-14 mamyr aralyǵynda ótedi. Sodan keıin 15-21 mamyr aralyǵynda Shymkentte taǵy bir chellendjer dodasy bolmaq. Bulardyń jalpy júlde qory – 106 240 AQSh dollary.
Shymkentte chellendjer jarystary 2017 jyldan bastap ótkizilgen bolatyn. Jekeleı synda Lıtvanyń birinshi raketkasy Rıchardas Berankıs (2017 jyly), germanııalyq ıAnnık Hanfman (2018 jyly) jáne slovakııalyq Andreı Martın eki ret (2018 jáne 2019 jyly) úzdik shyqqan edi. Al, 2020-2021 jyldary pandemııaǵa baılanysty týrnır ótpeı qalǵan-dy.
Eske sala keteıik, budan buryn jas tennısshi Zańǵar Nurlanulynyń Eýropa reıtınginde kósh bastap kele jatqanyn, qazaqstandyq tennısshiniń Ystanbul týrnıriniń jeńimpazy atanǵanyn jazǵan bolatynbyz.
