Shymkent bazaryndaǵy atys qaryz saldarynan bolǵan
ShYMKENT. QazAqparat - Ońtústik Qazaqstan oblysynyń polıtseıleri Shymkenttegi bazarda bolǵan atystyń sebebin anyqtady, dep habarlady QazAqparat.
Polıtseıler Shymkenttegi «Aqbar» bazarynda bolǵan atys er adamdar arasynda týǵan daýdan keıin bolǵanyn anyqtady, dep habarlady OQO ІІD baspasóz qyzmetinen.
Belgili bolǵandaı, býtık ıeleriniń birine buryńǵy tanysy kólikpen kelip, órt dabylqaqqyshyn ornatyp bergeni úshin qaryzyn qaıtarýdy talap etken. Alaıda erler arasynda daý týyndaǵan. Onyń barysynda «kútpegen qonaq» qarý alyp shyǵyp, syrt jaqqa eki ret oq atqan. Keıin oqıǵa ornynan izin sýytypty. Onyń tulǵasy anyqtaldy, qazir qolǵa túsirý boıynsha sharalar júrgizilip jatyr. Atalǵan fakti boıynsha «Buzaqylyq» baby boıynsha sotqa deıingi tergeý amaldary júrgizilýde. Polıtsııada atys saldarynan eshkim japa shekpegenin aıtty. Іshki ister organdaryna eshkim shaǵymdanbaǵan.
