Shymkent áýejaıynda aýa raıynyń qolaısyzdyǵynan birneshe reıs keıinge shegerildi
ShYMKENT. QazAqparat - Shymkent áýejaıynda aýa raıynyń qolaısyzdyǵynan birneshe reıstiń ushý ýaqyty shegerildi, dep habarlaıdy QazAqparat tilshisi.
Astana áýejaıynyń elektrondy kestesine sáıkes, Shymkent-Astana baǵytyndaǵy SCAT áýekompanııasyna tıesili DV701 reısi 6 saǵatqa shegerilgen.
Atalǵan áýekompanııanyń baspasóz qyzmeti reısterdiń keıinge shegerilýi aýa raıynyń qolaısyzdyǵymen baılanysty ekendigin túsindirdi. Munda qar jaýyp, qoıý tuman túsken.
Sondaı-aq, Air Astana áýekompanııasynyń da Shymkentten Astanaǵa qatynaıtyn KC352 jáne Almatyǵa ushatyn KS 972 reısteri ýaqytsha toqtatylǵan.
