Shymkent áýejaıyna «jarylǵysh zat» qoıyldy degen habar tarady

NUR-SULTAN. QazAqparat – Shymkent qalalyq áýejaıyna jarylǵysh zat qoıyldy degen aqparat jalǵan bolyp shyqty. Polıtsııa qalyptasqan jaǵdaıǵa qatysty túsinik berdi, dep habarlaıdy QazAqparat tilshisi.

«7 sáýir kúni Shymkent stansasyndaǵy polıtsııanyń jelilik bóliminde atalǵan fakt QR Qylmystyq kodeksiniń 273 babyna sáıkes «Lańkestik akt týraly jalǵan habarlama taratý» retinde tirkeldi», - delingen kóliktegi polıtsııa departamenti baspasóz qyzmetiniń habarlamasynda.

Aqparatta aıtylǵandaı qazir tergeý amaldary júrip jatyr.

Sondaı-aq, QR Qylmystyq-protsessýaldyq kodekstiń 201 babyna sáıkes tergeý basqa aqparat taratýǵa jatpaıdy.

Eske sala keteıik, taıaýda osyǵan uqsas oqıǵa elordada boldy.

Odan bólek, Qazaqstannyń birneshe qalasynda jarylǵysh zat qoıylǵany týraly habarlamalar tústi. Ol týraly QR ІІM baspasóz qyzmeti málim etken edi.

Foto: aeroport.kz