Shymkent áýejaıy satylymǵa shyqty
Shymkent qalasynyń jolaýshylar kóligi jáne avtojoldar bóliminiń teńgerimindegi Shymkent áýejaıy satylymǵa shyqty.
Áýejaı senimgerlik basqarýǵa arnalǵan tender boıynsha satyp alý quqyǵymen berilmek.
Bastapqy baǵasy - 5 695 225 000,00 teńge. Qazir qujat qabyldaý bastaldy.
Satylym 9 aqpan kúni saǵat 10:00-de ótedi.
Tender sharttaryna sáıkes satyp alýshy:
- áýejaıdy senimgerlik basqarý kezeńinde áýejaı qyzmetiniń beıinin saqtaýǵa;
- senimgerlik basqarý kezeńinde áýejaıdyń tehnıkalyq jaı-kúıin jaqsartýǵa (óndiristik úı-jaılardy qańǵyrtý, perron jabyndysyn rekonstrýktsııalaý, tehnıkalardy jańǵyrtý) jáne áýejaıdyń ınfraqurylymyn azamattyq avıatsııa salasyndaǵy qazirgi zamanǵy standarttarǵa keltirý maqsatynda jańǵyrtýǵa;
- zańnama talaptaryna sáıkes, senimgerlik basqarý sharty zańdy kúshine engen kúnnen bastap jolaýshylar aǵynyn ulǵaıtý jáne ushý geografııasyn keńeıtý maqsatynda, ıaǵnı perrondy qaıta qurý jáne jańa jolaýshylar termınalyn paıdalanýǵa berý úshin kadastrlik №22-327-023-029 jer ýchaskesin (aýdany 6 Ga jer ýchaskesi(peron)) ıelikten shyǵarý boıynsha jumystardy uıymdastyrýǵa
- áýejaıdyń jaramdylyq sertıfıkatyn ustap turý jáne ushý qaýipsizdigin qamtamasyz etý úshin sertıfıkattaý talaptaryn qamtamasyz etýge (jaramdylyq sertıfıkatyn usyný);
- jumys oryndar sanyn saqtaý jáne qajet bolǵan jaǵdaıda jańa jumys oryndaryn ashýǵa;
- áýejaıdan marshrýttyq jelini damytý arqyly áýejaı kórsetetin jumystar men kórsetetin qyzmetterdiń kólemin ulǵaıtýǵa;
- tabıǵat qorǵaý is-sharalaryn júrgizýge;
- avıatsııa personalynyń biliktiligin arttyrýǵa, olardy oqytýǵa, qaıta daıarlaýǵa;
- obektiniń kommýnaldyq qyzmetterimen kelisim-sharttardy jasasýdy qamtamasyz etýge (sý, gaz, elektr qýatymen qamtamasyz etý, qatty turmystyq qaldyqtardy shyǵarý jáne t.b.) mindetti.