Shymkent áýejaıy qaıtadan shtattyq rejımde jumys istep tur
ASTANA. QazAqparat - Shymkent qalasyndaǵy áýejaıda reısterge qoıylǵan shekteý boljanǵan merzimnen buryn alynyp tastaldy, dep habarlaıdy «QazAqparat» HAA QR IDM Azamattyq avıatsııa komıtetine silteme jasap.
«Búgin tańǵy saǵat 06:30-ǵa josparlanǵan SCAT áýe kompanııasynyń DV 701 reısi keste boıynsha ushty. Áýejaı shtattyq rejımde jumys istep jatyr», - delingen habarlamada.
Eske salaıyq, 15 jeltoqsanda saǵat 16:00-den bastap Shymkent áýejaıy aýa raıynyń qolaısyzdyǵyna baılanysty jabylyp, 10-nan astam reıs toqtatylǵan edi.
