Shymkent Astanadaǵy jármeńkege qymyz, qurt, shubat pen baýyrsaq ákeledi
ASTANA. QazAqparat - Aldaǵy demalys kúnderi Astanada QR Táýelsizdiginiń 25 jyldyǵyna arnalǵan «Qýatty óńir - qýatty Qazaqstan» aktsııasy aıasynda Ońtústik Qazaqstan oblysy aýyl sharýashylyǵy ónimderiniń jármeńkesi ótedi. Elordalyqtar Ońtústik Qazaqstan oblystarynyń túrli mádenı sharalaryn da tamashalaıdy.
Bul týraly búgin Astanada Ortalyq kommýnıkatsııalar qyzmetinde ótken baspasóz máslıxatynda Ońtústik Qazaqstan oblysy ákiminiń orynbasary Ulasbek Sádibekov málim etti, dep xabarlaıdy QazAqparat.
Ońtústik Qazaqstan oblysynyń jármeńkesi «Han shatyr» saýda oıyn-saýyq ortalyǵynyń janynda ótedi. Onda otandyq ónimderdiń kóp túri ákelinbek. Sonymen qatar qymyz, qurt, shubat, baýyrsaq syndy ulttyq taǵamdar usynylady.
«Astana qalasynda oblys kúnderin ótkizý dástúrge aınalǵan. 15-16 qazan kúnderi Ońtústik Qazaqstan oblysynyń kúnderi ótpek. Osy kúnderi oblys delegatsııasy Astana xalqyn óńirimizdiń tarıxy, mádenıeti jáne negizgi jetistikterimen tanystyrady. Sonymen qatar «Qazaqstanda jasalǵan» aktsııasy sheńberinde 300 tonnadan astam aýyl sharýashylyǵynyń jáne kásiporyn ónimderi jármeńkege shyǵarylyp, jergilikti naryq baǵasynan arzan qunmen satylady», - dedi ol.
«Qýatty óńir - qýatty Qazaqstan» sharasy aıasynda OQO delegatsııasy astanalyqtardy óńirdiń tarıhymen, mádenıetimen jáne negizgi jetistikterimen tanystyrady. 15 qazanda saǵat 11.00 QR Ulttyq mýzeıinde «Shyraıly Ońtústiktiń shejiresi» atty kórme ashylady. Sondaı-aq, saǵat 15.00 QR Ulttyq akademııalyq kitaphanasynda «Ulysymnyń uıytqysy - Ońtústik» atty kitap kórmesi men aqyn-jazýshylar kezdesýi ótedi.
Munymen qosa, 15-16 qazanda saǵat 11-den 17-ge deıin Oqýshylar saraıynda «Balalarǵa - bazarlyq», «Tolaǵaı», «Qazaqstan barysy», «Qazaqstan brendi», «Qoshqar ata men teke», «Momyn jáne qaraqshylar», «Muńlyq - Zarlyq», «Náýrizek» anımatsııalyq fılmderi kórsetiledi. 15 qazanda saǵat 18-de «Jastar» teatrynda J. Shanın atyndaǵy oblystyq qazaq drama teatrynyń ártisteri S.Dosanovtyń «Tozaq sheńberi» atty spektaklin kópshilik nazaryna usynady.
16 qazanda saǵat 12.00 Qarttar men múgedekterge arnalǵan medıtsınalyq áleýmettik mekeme jáne Balalar psıhonevrologııalyq medıtsınalyq áleýmettik mekeme ǵımarattarynda «Júrekten júrekke» qaıyrymdylyq aktsııasy ótedi. Osy kúni Astanada etnomádenı birlestikterdiń qatysýymen «Et asý» festıvali men kompozıtor Sh.Qaldaıaqovqa arnalǵan eskertkish ornatýǵa baılanysty belgi qoıý saltanaty uıymdastyrylady.
Sharalar legi Kongress-hollda saǵat 18.00 «Án shashýym ózińe, mereıli Astanam!» gala-kontsertimen jáne «Nuryn shashqan - Ońtústik» fotokórmesimen aıaqtalady.
Sonymen qatar 15-16 qazanda qalalyq alańda Qostanaı oblysynyń aýyl sharýashylyǵy taýarlaryn óndirýshiler óz ónimderin usynady. Sharaǵa óńirdiń 14 aýdany men 3 qalasynan 74 kásiporyn qatysady. Jalpy kólemi 360 tonna ónimniń 100 astam túri satylady.
