«Shymkent arýy - 2016» baıqaýynyń jeńimpazy anyqtaldy
ASTANA. QazAqparat - Shymkentte qala kúnine arnalǵan merekelik shara aıasynda oblystyq opera jáne balet teatrynda «Shymkent arýy - 2016» ulttyq arýlar baıqaýy ótti.
Qala ákimdigi tarapynan uıymdastyrylǵan sulýlar saıysyna shahardaǵy 16-23 jas aralyǵyndaǵy 16 qyz qatysyp, ózara baq synasty.
Aıta keterligi, 1997 jyldan beri ótkizilip kele jatqan dástúrli baıqaý úsh kezeńnen turdy. Birinshi qatysýshylar shyǵarmashylyq turǵyda ózin tanystyrsa, ekinshi kezekte zııatkerlik baıqaýynda bilimdiligin pash etti. Al sońǵy týr sán shoýyna ulasty. Úsh kezeńniń qorytyndysyna saı úsh nomınatsııa boıynsha jeńimpazdar tańdap alyndy. Baıqaýda básekelestikti arttyra túsý úshin baǵalaý tásiline onlaın daýys berý ádisi qosyldy.
Osylaısha qazylar sheshimimen «Shymkent arýy - 2016» baıqaýynyń jeńimpazy Bekjigit Toǵjan, І-shi vıtse mıss Faızýlla Aıypjan, ІІ-shi vıtse mıss Daıana Sádýaqasova atansa, kórermen kózaıymy atalymynda Salıma Beısenǵalıevanyń mereıi ústem boldy.
Atalmysh baıqaý jeńimpazdaryna 165 myń teńge kóleminde júlde qory belgilengen. Sondaı-aq, sulýlar saıysynyń bas júldegeri alda ótetin respýblıkalyq «Qazaqstan arýy» baıqaýyna joldama aldy.
