«Shymkent» ÁKK 14,6 mln teńgege aıyppul salyndy

ASTANA. KAZINFORM –Monopolııaǵa qarsy departament elektr energııasyn ındýstrıaldy aımaqtarǵa jetkizý jumystaryn tergeýden soń zańbuzýshylyqtardy anyqtady.

Básekelestikti qorǵaý jáne damytý agenttiginiń qalalyq departamenti «Shymkent» áleýmettik-kásipkerlik korporatsııasyna qatysty tergeýdi aıaqtap, naryqtaǵy basymdyqty teris paıdalaný derekterin anyqtady.

Vedomstvonyń málimetinshe, ÁKK Shymkenttiń ındýstrıaldy aımaqtarynda ornalasqan kásiporyndarǵa elektr energııasyn jetkizý boıynsha «Kazsbytgrýpp» JShS-men kelisimshart jasaǵan. Kelisimshart sharttaryna sáıkes, seriktestiktiń kirisiniń 50%-dan astamy aktsıonerlik qoǵam paıdasyna aýdarylǵan.

— QR Kásipkerlik kodeksiniń 174-babynyń 4) jáne 10) tarmaqshalaryna sáıkes, naryqta basym nemese monopolııalyq jaǵdaıǵa ıe sýbektilerge naryqqa qoljetimdilikti shekteýge, básekelestikti joıýǵa nemese ózge qatysýshylardyń múddelerine qaıshy áreketter jasaýǵa tyıym salynady, — dep atap ótti departament.

Tergeý qorytyndysy boıynsha is materıaldary sotqa joldandy.

Ákimshilik quqyqbuzýshylyqtar jónindegi mamandandyrylǵan aýdanaralyq sotyynyń qaýlysymen «Shymkent» ÁKK kináli dep tanylyp, QR Ákimshilik quqyqbuzýshylyqtar týraly Kodeksiniń 159-babynyń 3-1 bóligi boıynsha 14 660 886 teńge aıyppul salyndy.

Osyǵan deıin «QazAzotqa» atmosferany lastaǵany úshin 8,5 mln teńgege aıyppul salynǵany týraly habarlaǵan edik.