Shymkent ákimine áleýmettik jeli arqyly turǵyndardan 300-den asa saýal tústi

ShYMKENT. QazAqparat - Shymkent qalasynyń ákimdigi Instagram áleýmettik jelisi arqyly jańa jobany qolǵa aldy.  «Ákimge suraq qoı» biregeı jobasyna sáıkes turǵyndar bir aı kóleminde jeksenbi kúnderi saýal qoıa alady. Al osy demalys kúni  áleýmettik jeli arqyly turǵyndardan 300-den asa saýal túsken, dep habarlaıdy QazAqparat tilshisi.

Qala basshysyna túsken saýaldar negizinen qoǵamdyq kólikterdiń keshigýi, shaǵyn aýdandardaǵy jol máselesi jaıyn qamtyǵan. Sonymen qatar, Tashkent baǵytyndaǵy kópir týraly qyzyqty saýaldar da kezdesedi. Qala turǵyny kólik keptelisi jıi bolatyn osy mańǵa bir kópirdiń azdyq etetinin aıtyp, jańa kópir salýyn suraǵan.

Saýaldarǵa naqty jaýaptar bir apta ishinde əkimdiktiń əleýmettik jelilerdegi paraqshalarynda jarııalanatyn bolady. Qala basshysy Nurlan Saýranbaev sondaı-aq bul máselelerge basa nazar aýdaryp, kórsetilgen  nysandardy aralamaq.