Shymkent ákimi «Pesnı» shoýynyń fınalısi Nazımaǵa velosıped pen Aıfon syılady

ShYMKENT. QazAqparat - Shymkent qalasynyń ákimi Ǵabıdolla Ábdirahymov «Pesnı» shoýynyń fınalısi, Black Star baıqaýynyń qatysýshysy Nazıma Jánibekovany qabyldady, dep habarlaıdy QazAqparat. Shahar basshysy jas ánshige Shymkent qalasyn TMD elderinde ǵana emes, álemdik arenada tanymal bolýyna qosqan úlesi úshin alǵys bildirdi.

Qabyldaý barysynda qala ákimi Nazımaǵa syılyq retinde velosıped pen Aıfon telefonyn tartý etti. Ǵabıdolla Rahmatollauly óz kezeginde, rep oryndaýshysy Shymkent qalasynyń oń ımıdjin qalyptastyrýǵa aıtarlyqtaı úles qosa beretinine senim bildirdi.

Aıta keteıik, talantty oryndaýshy birneshe jyldar boıyna «Altyn Girls» tobynyń múshesi bolǵan. Ol sońǵy kezde Nazıma «TNT» telearnasyndaǵy «Pesnı» televızııalyq jobasyna qatysyp, kópshilikke tanymal boldy. Jobanyń aqtyq synyna deıin jetken ánshi Tımatıdiń prodıýserlik tobyndaǵy Terry men DanyMuse syndy oryndaýshylarmen birge Black Star komandasynyń quramyna kirdi.