Shymkent ákimi men vıtse-mınıstr áleýmettik kómekti taǵaıyndaý jumystarymen tanysty
Sapar aıasynda vıtse-mınıstr Shymkent qalasynyń əkimi Erlan Aıtahanovpen birge qaladaǵy áleýmettik kómek berý baǵytyndaǵy jumystarmen tanysty.
Aıta ketsek, memleket tarapynan kóp balaly analardyń ál-aýqatyn arttyrý maqsatynda memlekettik járdemaqy taǵaıyndalýda.
Al ataýly áleýmettik kómek 2020 jyldyń 1 qańtarynan bastap jańa formatta tólenedi.
Birinshiden, AÁK-ke qujat ár úsh aı saıyn qabyldanady jáne komıssııa sheshimimen taǵaıyndalady. Bul bir jaǵynan AÁK alýshylardyń óz tabysyn jasyrý múmkindigin shekteıdi. Ekinshi jaǵynan, otbasynda bala sanynyń artýy múmkin. Jumysty joǵaltýy nemese áleýmettik mártebeniń ózgerýi sııaqty túrli sebepter ataýly áleýmettik kómek mólsherin ulǵaıtýy múmkin.
Ekinshiden, AÁK alýǵa ótinish bildirgen otbasynyń eńbekke qabiletti múshesine Shymkent qalalyq jumyspen qamtý ortalyǵy tarapynan jumys usynylady. Bilimi joq, jumyssyz azamattardy qysqa merzimdi kásiptik oqytý kýrstaryna jiberedi. Bul kezeńde olar stıpendııa alady. Sosyn oqý bitirgenderdiń qatarynda óz ıdeıasymen 505 myń teńge kóleminde memlekettik grant utyp alý múmkindigi de qarastyrylǵan.
Al usynylǵan belsendi jumyspen qamtý sharalarynan bas tartqandar jáne onyń otbasy múshelerine AÁK berý toqtatylady. Sondaı-aq, bala kútimimen aınalysatyn anaǵa, bala úsh jasqa tolǵannan keıin jumyspen qamtýdyń belsendi sharalaryna qatysý mindeti qoıylady.
Úshinshiden, ýchaskelik komıssııalar jumysy men jaýapkershiligi kúsheıtiledi. Ókinishke oraı, AÁK alýshylar qatarynda birneshe qabatty jeke úıi, birneshe avtokóligi bar, sondaı-aq, jer telimderi men jeke qosalqy sharýashylyǵy bar azamattardyń bolǵany jasyryn emes. Bul jaǵdaılar ýchaskelik komıssııasynan jaýapkershiliginde bolady. Muqtajdyqty anyqtaý tártibi zań jobasyna sáıkes júrgizilmek. Jańa tártipke saı, ýchaskelik komıssııa tekserý júrgizý jáne qorytyndy jasaýdy burynǵydaı úsh kúnde aıaqtamaıdy, jeti kún júrgizedi.