Shymkent ákimi koronavırýsqa qarsy vaktsınany alǵashqy bolyp saldyrdy
Qala ákimdiginen málim etkendeı , shaharǵa koronavırýsqa qarsy vaktsınanyń 1000 dozasy jetkizildi.
«Shymkent qalasynyń ákimi Murat Áı̆tenov qalada vaktsına qabyldaǵan alǵashqylardyń biri boldy. Ol №3 emhanaǵa baryp, ekpe aldynda dárigerge tekserildi. Qarsy kórsetkishter anyqtalmaǵandyqtan, erikti túrde vaktsına saldyrdy. Qazirgi tańda densaýlyq jaǵdaı̆y jaqsy», - dedi ákimdikten.
«Spýtnık-V» vaktsınasynyń 1000 dozasy qalalyq Qan ortalyǵyndaǵy muzdatqysh kameralarda ýaqytsha saqtaý úshin ornalastyrylyp, búgin tańǵy saǵat altyda tórt emhanaǵa jetkizildi. Egý jumystaryn júrgizý úshin qaladaǵy emhanalardyń bazasynda 4 vaktsınatsııa kabıneti uı̆ymdastyrylyp, vaktsınalardy saqtaýǵa arnalǵan muzdatqyshtar ornatyldy.
Málim etilgendeı, medıtsına qyzmetkerlerine erikti túrde vaktsına egý úshin tizim qalyptastyrylǵan. Sonymen qatar, barlyq medıtsına qyzmetkerleri úshin vaktsınatsııa boı̆ynsha semınar-trenıgter ótkizilgen.
Aıta keteıik, vaktsınalaýǵa qarsy kórsetkishteri joq adamdar jiberiledi. Vaktsınatsııa aldynda dáriger egýge kelgen adamdy mindetti túrde tekseredi.
«Vaktsınatsııa koronavırýstyń odan ári taralýyna jol bermeý jáne qatań lokdaýn engizbeýdiń jalǵyz balamasy», - dedi Shymkent qalasy ákimdiginiń baspasóz qyzmetinen.