Shymkent ákimi kondýktorlarǵa aıaldamalarda aıǵaılap turýǵa tyıym saldy
ASTANA. QazAqparat - Shymkentte qoǵamdyq kólikterdiń bılet tekserýshilerine avtobýstyń qozǵalys baǵytyn aıaldamalarda syrtqa shyǵyp, aıǵaılap habarlaýǵa tyıym salyndy.
Bul máseleni qala basshysy Ǵabıdolla Ábdirahymov jolaýshylar tasymalymen aınalysatyn kompanııalar ókilderimen bolǵan kezdesýde kóterdi. Sodan beri bir apta ótti, biraq Shymkentte aıǵaılaıtyn kondýktorlar azaıǵan joq, dep jazady Otyrar.kz.
«Óz júrgizýshilerińmen, kondýktorlarmen sóılesińizder, aıǵaılaýdy doǵarsyn. Bul masqara emes pe!», - degen bolatyn Shymkent ákimi.
Aıǵaılaǵysh kondýktorlarǵa qatysty ákimniń pikirimen Shymkenttiń barlyq derlik turǵyny men qonaqtary kelispeıdi. Keıbir azamattardyń aıtýynsha, avtobýstyń qozǵalysyn aıǵaılap aıtyp turý - yńǵaıly. Ózge shymkenttikter aıaldamalardaǵy aıǵaıdan mezi bolǵandaryn jetkizýde.
Ákimdik ókilderi málim etkendeı, olar tasymaldaýshylarǵa taǵy azdaǵan ýaqyt berýge daıyn. Al keıin, talaptar buzylǵan jaǵdaıda, sonyń ishinde aıaldamalarda baǵyttardy aıǵaılap aıtqandary úshin bılet tekserýshilermen qosa júrgizýshiler de jumystarynan aıyrylýy múmkin.
