Shymkent ákimi qalada qalyptasqan epıdemıologııalyq jaǵdaıǵa túsinikteme berdi
Onda Shymkent qalasynyń ákimi Murat Áıtenov, qalalyq Densaýlyq saqtaý basqarmasy basshysy Rýstam Albaev, qalalyq Jedel járdem kórsetý stantsııasy bas dárigeriniń orynbasary Sholpan Ospanova jáne jedel járdem dárigeri Arman Hamzın qatysty, dep habarlaıdy QazAqparat tilshisi.
Brıfıngte sóz alǵan qala ákimi Murat Dúısenbekuly qaladaǵy epıdemıologııalyq jaǵdaı jáne ony qalypqa keltirý barysyndaǵy jumystar jóninde aıtty.
«Respýblıkalyq deńgeıde Shymkent qalasy boıynsha túrli jańalyqtar tarap jatyr. ıAǵnı, Qaznette Shymkent qalasynda «naýqastar aýrýhana qaqpasyna jetpeı qaıtys bolyp jatyr jáne naýqastarǵa oryn joq» degen sekildi aqparattar taraýda. Osy máseleni túsindirip bersem, búginde qalada 650 ınfektsııalyq tósek-oryn bar. Onyń ishinde juqpaly aýrýhanalarda -350, jańa salynǵan gospıtalda 200 jáne Atameken provızorly statsıonarynda 100 oryn bar. Atalǵan eski juqpaly aýrýhanalar aýrýhanasynda 321 naýqas jatyr, gospıtalda 172 jáne Atameken provızorly statsıonarynda 42 naýqas emdelýde. Al jalpy 115 oryn bos. Odan bólek, qalada 1690 provızorly oryn bar. Onyń ishinde 1315-inde naýqastar em alýda, qalǵany bos. ıAǵnı, provızorly oryndardyń 77%-y paıyzy tolyp tur. Sol sebepti búgin 500 provızorly oryn ashamyz. Al jeksenbi kúni -200, dúısenbi kúni 500 provızorly oryn ashylady. Sondaı-aq, 51 mekemede 628 tósek-oryndyq kúndizgi statsıonar ashtyq. Onyń 248-i bos. Atalǵan kúndizgi statsıonardaǵy bir oryn kúnine 5 adamdy qabyldaı alady. Al jumys ýaqyty tańǵy 08:00-den keshki 20:00-ge deıin (demalyssyz) isteıdi.
Aıta keteıin, osy kúndizgi statsıonarlarda naýqastar tirkelgen emhanasy boıynsha tegin emdeledi. Halyqqa der kezinde medıtsınalyq kómek kórsetý úshin emhanalardyń jumysyn eki ese kúsheıtemiz», – dedi qala ákimi.
Atalǵan brıfıngte Shymkent qalalyq Densaýlyq saqtaý basqarmasynyń basshysy Rýstam Albaev ta koronavırýs ınfektsııasyn juqtyrǵan 2084 naýqas tirkelgenin atap ótti.
«Onyń 45 paıyzy – sımptomsyz. Provızorly statsıonarlardyń tósek qory 89 paıyzǵa júktelgen. Al dári-dármektiń eki aılyq qory bar», - dedi basqarma basshysy.
Brıfıng sońynda sóz alǵan qala basshysy Murat Dúısenbekuly qazirgi kezde medıtsına mamandaryna júktelgen mindettiń aýyr ekendigin alǵa tartyp, tynymsyz eńbek etip jatqan mamandardyń jumysyna túsinistikpen qaraýǵa shaqyrdy. Eń bastysy, qolaısyz epıdemıologııalyq jaǵdaıǵa baılanysty turǵyndarǵa saqtyq sharalaryn qatań ustaný qajet ekendigin eskertti.
Aıta keteıik, kúni keshe áleýmettik jelilerde Shymkenttegi naýqastardyń kóptiginen aýrýhanalarda oryn jetpeı jatyr degen maǵynada aqparattar taraǵan bolatyn. Jedel járdem qyzmetiniń bir dárigeri aýyr jaǵdaıda jatqan naýqasty aýrýhanalar qabyldamaı jatqanyn aıtqan edi.