Shymkent ákimi qala halqyna esep berdi
Murat Áıtenov atqarylǵan jumystarmen qatar, 2020 jylǵy josparlardy baıandady. Aldaǵy úsh jyldyń damý baǵdarlamasyna sáıkes, basty nazar ınfraqurylymǵa aýdarylady. Qalaǵa qosylǵan eldi mekenderde áleýmettik máseleler endi júıeli túrde sheshimin tabatyn bolady.
Máselen, 2022 jyly Shymkentte kógildir otyn máselesi tolyǵymen sheshiledi. Al, qala aýmaǵyndaǵy kanalızatsııa problemasyn sheshý maqsatynda qýaty 150 myń tekshe metr tazartý qondyrǵysynyń qurylysyn aldaǵy úsh jylda kezeń-kezeńimen salý josparlanýda.
Bıylǵy jyly jergilikti bıýdjetten 8 eldi mekendi sýmen qamtıtyn 2 magıstraldy sý qubyry tartylady.
Elektr qýatyn artyrý maqsatynda 220 kV Bozaryq kishi stantsııasynyń qurylysy júrgizilýde. Ol bıyl paıdalanýǵa berilmek.
«Sonymen qatar, eki kishi stantsııanyń qurylystary bastaldy. Ol da kelesi jyly paıdalanýǵa beriledi. Jospar boıynsha bıyl 227 kóshe jóndeledi.Al kólik keptelisin sheshý maqsatynda, 13 magıstraldy joldy qaıta qurý, 2 úlken jolaıyryqtyń (Rysqulov-Qonaev, Báıdibek bı - Arǵynbekov) jáne 4 kópirdiń qurylysy, Qonaev dańǵylynyń jalǵasy, A-2 aınalma joly, №1 avtojol, Adyrbekov kóshesin qaıta qurý, ál-Farabı kóshesiniń jalǵasyn salý kózdelgen», - delingen ákimdik aqparatynda.
2020 jyl shymkentikter úshin mańyzdy jyl bolmaq. Bıyl Shymkent - TMD elderiniń mádenı astanasy. Qala ákimi Murat Áıtenov bul, Shymkenttiń halyqaralyq arenada tanylýyna alǵashqy qadam ekenin atap ótti. Shymkent qalasynyń ıÝNESKO-men bekitilgen 2200 jyldyq mereıtoıyna, ál-Farabıdiń 1150 jyldyq, Abaıdyń 175 jyldyq mereıtoılaryna, Ekinshi dúnıejúzilik soǵystaǵy Jeńistiń 75 jyldyǵyna oraı merekelik is-sharalar ótetini málim etildi.
Esepti kezdesýge turǵyndar kóptep jınaldy. Ákimge turǵyndar saýal joldap, naqty jaýap aldy.
