Shymkent ákimi №125 mekteptegi daýly máselege túsinikteme berdi
«Bul daýdyń bastalǵanyna jeti aı bolǵanyn durys aıtyp jatyrsyz. Sizderge bergen ýádemizde turyp, mamandar óz quzyreti aıasynda arnaıy baryp teksergen bolatyn. Ntáıjesinde ol dırektor óz erkimen jumystan ketti, biraq ýaqyt ótkennen keıin bizdiń basqarmany sotqa berdi. Sot ol azamatty zańsyz jumystan bosattyńyzdar degen sheshim shyǵaryp, qaıta jumysqa júktedi. Qazir biz sottyń tapsyrmasyn oryndaýymyz kerek. Bizdiń memlekette ár adamnyń zańdy quqyǵyn qorǵaýǵa múmkindigi bar. Sol úshin jumystan shyqqan azamat eshqandaı para almaǵanyn dáleldeý úshin sotqa baryp, jeńip shyqty. Naqty dálel bolmaǵandyqtan jemqorlyqpen kúresetin departament te, bári isti ózderi toqtatqan shyǵar dep oılaımyn», - dedi shahar basshysy.
Sondaı-aq, ol qalalyq bilim basqarmasy istiń aq-qarasyn tolyq anyqtaý úshin sottyń sheshimine apellıatsııalyq shaǵym túsirgenin málim etti.
«Sotta eki jaq ta turdy. Qazirgi kezde muǵalimderdiń bárimen biz baılanystamyz. Men bilim basqarmasyna №125 mektepti tikeleı baqylaýǵa alý týraly tapsyrma bergenmin. Qalalyq bilim basqarmasy sottyń sheshimine apellıatsııalyq aryz berdi. Sonyń nátıjesine qaraı jumys isteımiz», - dedi ákim.