Shymkent ákimdiginde jer telimderiniń qujattary joıylyp, qoldan jasalyp otyrǵan

Bul týraly QR Bas prokýratýrasy 4-shi departamentiniń bastyǵy Áset Chındalıev málim etti.

«Qurylys jospary týraly aqparatty bile tura sheneýnikter jer telimderin satyp jiberedi. Ony keıin memleketke satyp alýǵa týra keledi. Máselen, Shymkentte «Nursát» jańa shaǵynaýdanynda Memlekettik turǵyn úı qurylysy aıasynda baspana salynatyn 283 gektar jer 2004 jyly satyp alynǵan. Búkil qala ol jerde áleýmettik nysannyń salynatynyn bilgen. Degenmen, qalalyq ákimdik bul jerdiń shamamen jartysyn jeke tulǵalarǵa satyp jiberip, barlyq bastapqy qujattardy qasaqana joıǵan. Jer-kadastrlyq is joq, málimetterdiń elektrondy bazasynda qajetti málimetter joq. Qazir ákimdik bul jerge ákimshilik-iskerlik ortalyq salǵysy keledi, al ol úshin jerdi qaıta satyp alý qajet. 4 ýchaskege 146 mıllıon teńge tólengen», - dedi ol.

Onyń atap ótýinshe, jerdi qaıta satyp alý Astana men Almatyǵa qaraǵanda da qymbat baǵaǵa túsedi. Dál osy aýdanda bir ýchaske 21 mln. teńgege satyp alynǵan. Alaıda, ol jer jeke adamnyń emes, memlekettiń menshiginde bolǵan. Biraq qalalyq sheneýnikter jalǵan qujat jasaǵan.