Shymkent ákimdigi men «Shymkent – adaldyq alańy» open space formatynda jumys isteýde
Qazirgi ýaqytta Shymkent qalasy boıynsha open space formatynda 32 mekeme jumysyn júzege asyrýda, dep habarlaıdy QazAqparat tilshisi.
«Shymkent-adaldyq alańy» jobalyq keńsesiniń basshysy E.Tólebaevtyń sózinshe, jańadan engizilgen jańalyqtardyń biri jobalyq keńse alańynda qala ákiminiń azamattardy aı saıyn qabyldaýy bolyp tabylady.
«100-den astam memlekettik mekemelerdiń birinshi basshylary kabınetterin ǵımarattardyń birinshi qabattaryna aýystyryp, jyl sońyna deıin osy formatqa barlyq densaýlyq saqtaý jáne bilim berý mekemelerin kóshirýdi josparlap otyr. Bilim berý júıesi arqyly sybaılas jemqorlyqqa múldem tózbeýshilikti qalyptastyrý maqsatynda «Sanaly urpaq», «Adal urpaq» jobalary júzege asyrylýda. Polıtsııa salasynda Jobalyq keńse ishki ister organdarynyń ashyqtyǵy men eseptiligi týraly jospardy júzege asyrýda. Birlese júrgizilgen jumystardyń nátıjesinde ashyq tergeý kabınetteri ashylyp, barlyq qalalyq polıtsııa basqarmalarynda azamattar úshin «front ofıster» jumys isteýde»,- deıdi E.Tólebaev.
Sondaı-aq, «Shymkent-Adaldyq alańy» jobalyq keńsesiniń usynystaryn qalalyq polıtsııa departamenti qabyldap, jol qozǵalysy erejesin buzýshylardy toqtatý barysynda polıtsııa qyzmetkeri para berý jáne para alý zańmen qýdalanatyny týraly aldyn-ala eskertetin boldy.
«BAQ ókilderi, blogerler men qoǵam ókilderin tarta otyryp, jol patrýldik polıtsııa qyzmetkerlerimen birlese jeke quram men júrgizýshiler arasynda júıeli túrde aldyn alý jumystary júrgizilip, »Adaldyq jolynda« paraqshalary taratylýda. Memlekettik organdar men qoǵam arasyndaǵy baılanysty ornatýǵa baǵyttalǵan «Ashyq mıkrofon» jobasy júzege asyrylýda. Bul jerde pikirtalas barysynda Shymkenttiń áleýmettik-mańyzdy máseleleri kóterilip, tıimdi nátıjelerge baǵyttalǵan sheshimder shyǵarylady«, - dep habarlady E.Tólebaev.
Sonymen qatar, 8 orta mektepte, 5 JOO-da jáne 3 kolledjde ashylǵan Parasattylyq mektepteri týraly habardar etti. Shymkentte «Іzgilik elshisi» jobasy bastalǵanyn jáne bul sharalar qoǵamda parasattylyq pen adaldyq, qaıyrymdy ister jasaý, erlik qaǵıdattaryn, sondaı-aq adamdarǵa kómek kórsetý sııaqty qarapaıym ómirlik mańyzdy is-áreketterdi nasıhattaý maqsatynda qolǵa alynyp otyrǵanyn atap ótti.