Shymkent ákimdigi qyzǵaldaqtarmen túsken fotosýretterge baıqaý jarııalady
ShYMKENT. QazAqparat - Shymkent qalasynyń ákimdigi qyzǵaldaqtarmen túsken úzdik fotosýretke baıqaý jarııalady. Bul týraly ákimdiktiń resmı saıtynda málim boldy, dep habarlaıdy QazAqparat tilshisi.
«Qurmetti qala turǵyndary men qonaqtary! Shymkenttegi bannerlerden ózińizdiń fotosýretińizdi kórgińiz kele me? Onda konkýrsqa qatysyńyz!
Shymkent qalalyq ákimdigi óńirdiń turǵyndaryna arnaıy konkýrs jarııalaıdy. Qazirgi tańda shym shaharda san túrli qyzǵaldaq jaıqalyp tur. Qala turǵyndary sol gúldermen sýretke túsip te úlgerýde. Ol úshin qyzǵaldaqpen sýretke túsip, qalalyq ákimdiktiń Instagram áleýmettik jelisindegi @akimat.shymkent paraqshasyna daırekter arqyly joldaýǵa bolady" delingen habarlamada.
Aıta keteıik, qalalyq ákimdiktiń akkaýntyna jiberilgen barlyq sýretter arnaıy aıdarmen jarııalanady jáne eń úzdik sýret shahardaǵy bannerlerde ilinetin bolady. Ákimdik turǵyndarǵa fotosýretterdi 15 sáýirge deıin tapsyrýdy eskertti.
