Shymkent ákimdigi ınnovatsııalyq jobalarǵa baıqaý jarııalady

ShYMKENT. QazAqparat - Shymkent qalasynyń ákimdigi ınnovatsııalyq jobalarǵa baıqaý jarııalady, dep habarlaıdy QazAqparat.

Baıqaý barysynda kelesi baǵyttaǵy jobalar qaralady: «Qaýipsizdik», «Kólik», «Bilim berý», «Densaýlyq saqtaý», «TÚKSh», «Ártúrli».

Bul - irikteý kezeńi. Sodan keıin komıssııa músheleri fınalǵa qatysatyn úzdik 3 jobany tańdaıdy.

«Jobanyń ózektiligi, tehnıkalyq sheshimniń sapasy, sondaı-aq halyqaralyq tehnıkalyq standartqa sáıkestigi jáne ázirleýshi kompanııada qajetti resýrstardyń bolýyna qarap, komıssııa sheshim shyǵarady» delingen qala ákiminiń baspasóz qyzmeti taratqan habarlamada.

Tirkeý aıaqtalǵan soń, barlyq qatysýshynyń tizimi men jobalardy dday.kz resmı saıtynan kórýge bolady.