«Shymkent - adaldyq alańy» keńsesi sáýlet salasynda jańa jobalardy iske qosty

ShYMKENT. QazAqparat - "Shymkent-adaldyq alańy" keńsesi qalany sybaılas jemqorlyqtan aryltýǵa baǵyttalǵan alǵashqy jobalaryn tanystyrdy. Atalǵan keńse qala ákimdigimen, ÁKK jáne QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń aýmaqtyq departamentimen birlesip, sáýlet salasynda 12 qyzmetti qamtyǵan tsıfrlandyrylǵan jobany iske qosty , dep habarlaıdy QazAqparat tilshisi.

Atalǵan jobalar aıasynda mektepterde aqsha jınaýdy boldyrmaýǵa jaǵdaı jasalyp, "Densaýlyq saqtaý" baǵyty boıynsha tegin medıtsınalyq qyzmetterdiń ashyqtyǵyn qamtamasyz etýge kúsh salynbaq. Sondaı-aq, turǵyn-úı kommýnaldyq sharýashylyǵy salasynda da turǵyndarǵa múmkindik jasalatyn bolady.

«Sonymen qatar " Qupııa satyp alýshy " ádisimen zertteý jobasy iske qosylyp, ol barlyq áleýmettik mańyzdy salalardy qamtıdy. Bul óz kezeginde turmystyq sybaılas jemqorlyqqa qarsy kúrestiń tıimdi quraly bolady", - deıdi "Shymkent - adaldyq alańy" jobalyq keńsesiniń basshysy Erasyl Tólebaev.

Al, "Qoǵamdyq baqylaýdyń ınteraktıvti kartasy" memlekettik bıýdjetten mektepterdi, aýrýhanalardy jáne basqa da qarjylandyrý obektilerin qamtamasyz etýge arnalǵan bıýdjettiń transporenttiligine erekshe nazar aýdarýǵa múmkindik beredi.