Shymbulaqta jaýǵan qardyń qalyńdyǵy 45 sm-ge jetti
ALMATY. QazAqparat - Almaty qalasynda qar aralas jańbyr jaýdy, dep habarlaıdy QazAqparat tilshisi.
Tabıǵı resýrstar jáne tabıǵatty paıdalanýdy retteý basqarmasy taratqan habarlamaǵa qaraǵanda, qalada tabıǵattyń tosyn minezinen Shymbulaq aýmaǵynda jaýǵan qardyń qalyńdyǵy 45 sm-ge deıin jetse, qalada 15 sm qurady.
Kommýnaldyq qyzmetter qar jaýǵan kezden bastap joldarǵa muzdy eritetin materıaldardy sebe bastady. Qar jaýǵan kezde 1600 tonna muzdy eritetin materıaldar paıdalanyldy», - delingen basqarmanyń habarlamasynda.
Basqarmanyń málimdeýinshe, qalanyń joǵarǵy bóliginde qardy shyǵarý jumystary uıymdastyryldy. 3 naýryz kúngi saǵat 10:00-degi jaǵdaı boıynsha 1400 tekshe metr qar shyǵarylǵan.
Qar tazalaý jumystaryna túngi ýaqytta 407 birlik arnaıy tehnıka, 805 jol jumysshysy jumyldyryldy. Kúndizgi ýaqytta qardy tazalaý jumystaryna 606 birlik arnaıy tehnıka jáne 1280 jol jumysshysy shyqty. Aýdandyq ákimdikterde jáne qalalyq ákimdikte qardy tazalaý jónindegi jumystardy baqylaý boıynsha táýliktik kezekshilik uıymdastyrylǵan.
Foto: shimbulak.kz
