«Shymbulaqta» taý shańǵysymen syrǵanaý maýsymy bıyl erte bastalady

«Taý shańǵysymen syrǵanaý tujyrymdamasy bútindeı ózgertilgen. Buǵan deıin trassalar bir ýaqytta iske qosylatyn edi. Endi kýrort basshylyǵynyń sheshimimen trassalar kezeń-kezeńimen iske qosylmaq. Mysaly, bıylǵy maýsymda birinshi «Soltústik Talǵar» trassasy ashylady, onda syrǵanaý baǵasy 4000 teńge. Odan keıin shatqaldardyń daıyn bolýyna baılanysty «Kombı2», «Kombı1» trassalary ashylady. Aıta keteıik, tarıftik saıasat ózgergen joq, qyzmet kórsetý  baǵalary ótken jyldaǵydaı qaldyryldy», delingen habarlamada.

Kýrort ákimshiginiń habarlaýynsha, 2017 jyldyń jazynda Astana qalasynda «EKSPO-2017» halyqaralyq kórmesiniń ótýine baılanysty Shymbulaqta kelýshiler sany rekordtyq kórsetkishke jetken. Mysaly, tek bir kúnde, 30 shildede kýrortta  8 724  adam bolǵan. 2017 jyldyń mamyry men qyrkúıek aılary aralyǵynda 246 myń 527  adam aspaly joldy paıdalanǵan.

Kýrort ákimshiligi bıyl taǵy bir jańalyq  engizilip otyrǵanyn habarlady. Endi kelýshiler alǵash ret maýsymdyq skıpass ( syrǵanaý abonementteri, - red)ala alady. Bul abonementke qol jetkizgender 2017-2018 jyldary kúndiz jáne túnde de aspaly joldardy jáne kýrorttyń basqa da  qyzmetterin paıdalana alady. 10  qarashaǵa deıin barlyq maýsymdyq syrǵanaýlarǵa 25% jeńildik beriledi.

«10  qarashaǵa deıin maýsymdyq abonementi: 115 000 tg (balalarǵa), 160 000 tg (jastar), 220 000 tg (úlkender) satyp alýǵa bolady. Jeńildiksiz abonementter baǵasy 290 000 tg (úlkender), 210 000 tg (jastar) jáne150 000 tg (balalar)», - delingen habarlamada. 

Shymbulaqta bıyl jalǵa berý bólmeleriniń de sany artyp otyr.

«Qazirgi kezde úsh tilde ( qazaq, orys, aǵylshyn )shyǵatyn jańa saıt  jasalý ústinde,  munda fotolar,vıdeogalereıalar jáne kúntizbe bolady. Saıttyń mobıldi nusqasy da jasalady, ol úshin  mobıldi qosymshalar úshin skıpastar satyp alynady», - delingen habarlamada.