«Shymbulaqta» shańǵy tebýdi úırengisi keletinder úshin qosymsha trassa salynady
ASTANA. QazAqparat - «Shymbulaqta» shańǵy tebý maýsymy ashyldy. Taý-shańǵy kýrortynyń basshylyǵy kópten kútken syrǵanaý maýsymyna birneshe tosynsyı ázirlep qoıypty. Eń bastysy, tómengi jaǵy móldir áınekpen qaptalǵan kabınalar. Tabıǵatty tamashalaýǵa arnalǵan qaladaǵy eń bıik alań 3200 metr bıiktikte ornalasqan. Bul týraly Almaty arnasy habarlaıdy.
Edeni áınekten jasalǵan jańa fýnıkýlerǵa kirseńiz, áseri erekshe. Aǵashtar men shyrshalar tómen jaqta júzip bara jatqandaı kúıge bóleıdi. Aınalany 360 gradýsta tamashalaýǵa bolady. Ázirge mundaı kabınanyń tek 5-eýi ǵana bar. Olar Medeý-Shymbulaq baǵytynda júredi.
«Shveıtsarııada óndirilgen panoramalyq sholý kabınalarynyń sapasy barlyq halyqaralyq standarttaryna saı. Olardy qaýipsiz dep tolyq senimmen aıta alamyn. Mundaı kabınada turyp aınalany bıiktikten sholý shatqaldardyń ústinen ushyp bara jatqandaı áser qaldyrady», - dedi demeýshi kompanııa prezıdenti Ýn Chol ıÝn.
Bıylǵy syrǵanaý maýsymynyń qarashada ashylýy «Shymbulaq» úshin tarıhı jaǵdaı. Shańǵy tebýdi erte bastaý - jasandy qar jaýdyratyn mynadaı qar zeńbirekterin ornatýdyń arqasynda múmkin bolyp otyr. Mundaı quraldyń ondaǵan danasy 100 myń tekshe metrden asa aq ulpa jasap úlgergen.
«Biz bıyl shańǵy tebýge kelýshilerge jaıly bolýy úshin erterek ashyldyq. Syrǵanaýǵa keletin adamdar sany tym kóbeıip ketse jaraqat alý jaǵy jıileıdi ári kezekte kóp turatyn bolady. Erte ashylǵanymyzdyń arqasynda bir maýsymda keletinder sany bólinip, syrǵanaýǵa qolaıly jaǵdaı týdy. Tehnıkalyq jaǵyn aıtsaq, bıyl jaýyn-shashynǵa qaramastan jasandy qar shyǵaratyn 40-qa jýyq qar zeńbiregin iske qostyq. Sonyń arqasynda «Shymbulaqty» maýsymnyń bastalýyna qajetti qarmen qamtamasyz ettik», - dedi «Shymbulaq» taý-shańǵy kýrortynyń dırektory Erjan Erkinbaev.
Kelýshiler úshin taǵy bir jaǵymdy jańalyq - ájethananyń salynýy. Munda eshqandaı káriz júıeleri bolmaǵandyqtan, 3200 metr bıiktikte dárethana ornatý- kúrmeýi qıyn másele edi. Sondyqtan, kýrort basshylyǵy aǵyndy sýlar arqyly jumys isteıtin tazartý qondyrǵylary bar zamanaýı dárethana satyp alǵan.
«Osy maýsymda Talǵar ótkelinde aınalany bıikten kórýge arnalǵan alańdar jóndeýden ótedi. Bul qaladaǵy eń bıik alań bolmaq jáne ol kýrortqa kelip, qalanyń ádemi kórinisin tamashalaımyn deýshiler qataryn kóbeıtedi dep oılaımyn. Sondaı-aq, bıyl jańa snoýpark salynady. Shańǵy tebýdi jańadan úırenip júrgender úshin qosymsha trassa salamyz», - dedi «Shymbulaq» taý-shańǵy kýrortynyń marketıng boıynsha dırektory Vladıslav Semenov.
Demalys kúnderi «Shymbulaqqa» 10 myńǵa deıin adam keledi. Bul bir jylda 600 myń adam keledi degen sóz. Onyń úshten biri - shańǵy tebetinder. Munda kelýshiler sany jyl saıyn 20 paıyzǵa artýda. ıAǵnı, almatylyqtar men qala qonaqtarynyń qysqy sport túrine qyzyǵýshylyǵy artyp keledi.
