Shymbulaqta shańǵy tebý maýsymy qashan ashylady
ALMATY. QazAqparat- Shymbulaqta taý shańǵysy maýsymy qashan ashylatyny belgili boldy, dep habarlaıdy QazAqparat tilshisi.
«26 qarasha kúni bıik taýly kýrortta qysqy maýsym resmı túrde ashylady. Shymbulaqta seısenbi, beısenbi jáne senbi kúnderi túngi ýaqytta da syrǵanaýǵa bolady. Demalýshylar úshin uzyndyǵy 25 shaqyrym bolatyn túrli qıyndyqtaǵy 14 jol qarastyrylǵan», - delingen ákimdik habarlamasynda.
Buǵan deıin 17-19 naýryz kúnderi frıstaıl-mogýl men frıstaıl-akrobatıka boıynsha álem kýboginiń fınaldyq kezeńi «Shymbulaq» taý-shańǵy kýrortynda ótetini týraly jazǵan edik.
Eske salaıyq, arnaıy daıyndyqtan ótken polıtseıler «Shymbulaq» taý shańǵysy bazasynda qoǵamdyq tártipti qadaǵalaıtyn bolady.
