Shymbulaqta shańǵy sportynan balalar arasynda saıys ótedi
ALMATY. QazAqparat - «Shymbulaq» taý-shańǵy kýrortynda balalar arasynda shańǵy sportynan saıys ótedi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Naqtyraq aıtqanda, 1 sáýir kúni Shymbulaqta 3-10 jas aralyǵyndaǵy «CHIMBAKIDSSLALOM» áýesqoılarǵa arnalǵan saıys ótedi. Qazirgi ýaqytta saıysqa qatysýǵa 85 bala (ul, qyz) ótinish bildirgen.
«Biz bul saıysty salamatty ómir saltyn nasıhattaý, sportqa balalardy erte jasynan baýlý maqsatynda uıymdastyryp otyrmyz. Sonymen qatar, óz jattyqtyrýshylarymyzdyń da kásibı sheberligin shyńdaǵymyz keledi», - dedi «Shymbulaq» TK marketıng bóliminiń jetekshisi Vladıslav Semenov.
Saıystar, «Professor» (býgel) jáne «Aq aıý» trassalarynda bolady. Barlyq qatysýshy syılyqsyz qalmaıdy, al jeńimpazǵa baǵaly syılyq pen gramota, medal tabys etiledi.
