«Shymbulaqta» frıstaılden halyqaralyq jarys ótedi
ASTANA. QazAqparat - Almatydaǵy «Shymbulaq» taý shańǵysy kýrortynda áýesqoı jáne kásibı atletter arasynda Freestyle jarysy ótedi, dep habarlaıdy QazAqparat.
Almatynyń aqparattyq-sport haby taratqan málimetke sáıkes, sporttyq «Gorilla Winter Jungle» boıynsha «Freeski» jáne «Snowboard» baǵyttary arqyly júredi. Baǵdarlamada «Freestyle Show» - kórsetilim shoý usynylady, oǵan «Gorilla Team», «Big Air» kásibı atletter qatysady. Frıstaılden úlken tramplındegi jarys áýesqoı deńgeıdegi raıderler úshin uıymdastyrylyp, oǵan jasy 16-ǵa tolǵandardyń barlyǵy qatysa alady. Onda túrli trıýkter, amplıtýdalyq jáne akrobattyq sekirýler, sonymen qatar «Jibbing» - mını kontestter (perılder, bokstar, grander), shańǵy men snoýbordtarda túrli trıýkter jasaýǵa bolady.
Jarystyń júlde qory 1 mıllıon teńgeden astam. Budan ózge, sharany uıymdastyrýshy seriktesterdiń de júldeleri bolady. «Big Air» snoýbord: 1 oryn - 300 000, 2 oryn - 200 000, 3 oryn - 100 000 teńge.
«Big Air» shańǵy: 1 oryn - 150 000, 2 oryn - 100 000, 3 oryn - 50 000 teńge.
«Jibbing» snoýbord: 100 000, «Jibbing» shańǵy - 50 000 teńge. Qyzdar: jastyqqa sekirý - 50 000 teńge, djıbbıng - seriktestik júldesi.
«Shymbulaq» taý shańǵysy kýrortyndaǵy jarys aıasynda Máskeýden, Sochıden jáne basqa qalalardan arnaıy kelgen qonaqtar kórsetilim qoıady. Olardyń arasynda Artem Sheldovıtskıı, Andreı Anýfrıev, Danııl Melnıkov, Stepan Deonısev, Saken Kagarov syndy tanymal sportshylar bar.
Shara Almatyda sporttyń ekstremaldy túrin,frıstaıldy, salaýatty ómir saltyn, Qazaqstandaǵy sporttyń taý túrlerin damytýǵa baǵyttalǵan.
Jarys 2018 jyldyń 10 naýryzynda saǵat 11:00-den 17:00-ge deıin ótedi.
Foto: shymbulak.com
