Shymbulaqta 35 000 kýb metr qar túsirildi
ALMATY. QazAqparat - Almatyda «Shymbulaq» taý-shańǵy kesheniniń aýmaǵynda 35 000 kýb metr qar massasy túsirildi, dep habarlaıdy QazAqparat tilshisi.
Almaty qalalyq tótenshe jaǵdaılar departamentiniń málimetinshe, «Shymbulaq» TShK-da «Avalanheur» pnevmatıkalyq qondyrǵysy arqyly «№26» jáne «Shkolnık» qar kóshkinin jınaý ýchaskelerinde qar massasynyń 7 aldyn alý túsirilimi ótkizildi.
Bul is-shara Qazgıdromet usynymy men demalýshylardyń qaýipsizdigin qamtamasyz etý maqsatynda jasaldy.
«Shymbulaq» TShK aýmaǵynda júrgizilgen jumystardyń nátıjesinde 35 000 kýb metr qar massasy túsirilip, qazirgi tańda osy ýchaskelerdegi jaǵdaıy turaqty, qaýip tóndirmeıdi«,- dep málimdedi qalalyq TJD-da.
Qar massasyn túsirýge «Shymbulaq» TShK qyzmetkerleri, Almaty qalalyq TJD, «Qazseldenqorǵaý», Geografııa ınstıtýtynyń mamandary qatysty. Aldyn alý jumystaryn júrgizý barysynda eshkim zardap shekken joq.
Aıta keteıik, qazirgi ýaqytta Kishi jáne Úlken Almaty ózen alaptarynda qar kóshkini qaýpine avtomattandyrylǵan monıtorıng engizý jumystary júrgizilýde. Bul júıe árbir kóshkin qaýpi bar ýchaskelerge naqty ýaqyt rejıminde monıtorıng júrgizýge jáne taýlarda barynsha dál jáne tıimdi qaýipsizdik sharalaryn qabyldaýǵa múmkindik beredi.
Sonymen qatar, Qazgıdromet málimeti boıynsha taýly aýdandarda jaýyn-shashynnyń túsýi jáne qar jamylǵysynyń turaqsyz jaǵdaıy saldarynan qar kóshkininiń ózdiginen túsýi múmkin.
Osyǵan baılanysty, Almaty qalalyq TJD qar kóshkininiń yqtımal túsýine baılanysty almatylyqtarǵa tik qarly betkeılerge shyqpaýdy eskertti.
