Shymbulaq TMD shańǵy kýrorttarynyń reıtınginde kósh bastap tur
ASTANA. QazAqparat - RoomGuru.ru qonaq úıler izdeý qyzmeti Jańa jylda demalý úshin reseılikter arasynda keń taraǵan TMD jáne jaqyn shetelderdegi shańǵy kýrorttarynyń reıtıngin qurastyrdy.
Reıtıng jańa jyl merekesi kúnderinde 2016 jyldyń 30 jeltoqsany men 2017 jyldyń 8 qańtary arasynda qonaq úıler men apartament nómirlerin izdeý jáne brondaý negizinde quryldy.
Reıtıngke Qazaqstan, Grýzııa, Belarýs, Ázerbaıjan, Armenııa, Ýkraına, Ózbekstan jáne Qyrǵyzstannyń kýrortty oryndary kirdi.
TýrStat saraptamalyq agenttiginiń málimetinshe, TMD jáne jaqyn shetelderdegi shańǵy kýrorttarynda reseılikterdiń qysqy demalysqa degen suranysy ótken qyspen salystyrǵanda 15%-ǵa ósken.
Jańajyldyq demalys úshin TMD jáne jaqyn shetelderdegi shańǵy kýrortynyń keń taraǵan top-10-na Shymbulaq (Qazaqstan), Gýdaýrı (Grýzııa), Logoısk (Belorýssııa), Shahdag (Ázerbaıjan), Tsahkadzor (Armenııa), Bakýrıanı (Grýzııa), Býkovel (Ýkraına), Chımgan (Ózbekstan), Qarakól (Qyrǵyzstan) jáne Sılıchı (Belarýs) kiredi.
RoomGuru.ru málimetinshe, shańǵy kýrorttarynyń arasynda eń arzany Chımganda, al eń qymbaty Shymbulaqta. Demalys bıýdjetine qonaq úı nemese apartamentterdegi bir táýliktegi ortasha quny, dámhana nemese skı-pastaǵy túski as kirdi.
TMD elderiniń keń taraǵan (tanymal) 10 shańǵy kýrorty:
1. Shymbulaq (Almaty, Qazaqstan), $78
2. Gýdaýrı (Tbılısı, Grýzııa), $65
3. Logoısk (Mınsk, Belorýssııa), $52
4. Shahdag (Baký, Ázerbaıjan), $58
5. Tsahkadzor (Erevan, Armenııa), $60
6. Bakýrıanı (Tbılısı, Grýzııa), $68
7. Býkovel (Lvov, Ýkraına), $56
8. Chımgan (Tashkent, Ózbekstan), $48
9. Karakol (Bishkek, Qyrǵyzstan), $50
10. Sılıchı (Mınsk, Belarýs), $52
Reseılik taý-shańǵy kýrorttarynyń arasynda úzdik ondyqta Roza Hýtor (Krasnodar ólkesi, Sochı, Krasnaıa Polıana), Sheregesh (Kemerov oblysy), Dombaı (Karachaevo-Cherkesııa), Prıelbrýse (Kabardıno-Balkarııa), Belokýrıha (Altaı ólkesi), Zavıalıha (Chelıabi oblysy), Abzakovo (Bashqurtstan), Bolshoı Výdıavr (Mýrman oblysy), Bobrovyı log (Krasnoıarsk ólkesi) jáne Gora Sobolınaıa (Irkýtsk oblysy).
