Shymbulaq TMD kýrorttarynyń ishinde úzdik ondyqqa kirdi
ASTANA. QazAqparat - Reseılik «Travel.ru» týrıstik servısi Forbes-pen birge vıza talap etilmeıtin Reseı men ózge elderdegi ondaǵan arzan taýly kýrorttarynyń reıtıngin jasady.
Eki eresek adamǵa arnalǵan demalys bıýdjetine arzan qonaqúıde táýlik boıy turý (Oktogo.ru saıtynyń derekterine sáıkes) jáne qańtardyń birinshi jartysynda dámhanada túski as pen bir kúnge skı-pass quny kiredi. Reseı jáne basqa da elderdegi ondaǵan arzan taýdaǵy shańǵy kýrorttarynyń top-10-dyǵyna mynalar kirdi: Belokýrıha (Altaı ólkesi) - 3,2 myń rýb., Logoısk (Mınsk, Belarýs) - 3,4 myń rýb., Zavıalıha (Chelıabi oblysy) - 3,4 myń rýb., Krasnaıa sopka (Kamchatka) - 3,4 myń rýb., Qarakól (Bishkek, Qyrǵyzstan) - 3,5 myń rýb., Chımgan (Tashkent, Ózbekstan) - 3,5 myń rýb., Shahdaǵ (Baký, Ázerbaıjan) - 3,7 myń rýb., Býkovel (Ýkraına) - 3,8 myń rýb., Bakýrıanı (Tbılısı, Grýzııa) - 4,1 myń rýb., Shymbulaq (Almaty, Qazaqstan) - 4,3 myń rýb. Shymbulaq TMD men taıaý shetelderdiń taýdaǵy shańǵy kýrorty reıtınginiń birinshi ondyǵyna kiredi. Shymbulaq shatqaly ótken ǵasyrdyń qyrqynshy jyldary ashylǵan. Qazir kýrort FIS atesttataýynan ótken 8 shańǵy joldy (jasyl, kók, úsh qyzyl, bir qara) qamtıdy.
